ERIELL Well Solutions tomonidan Qoraqalpog‘iston Respublikasi Qorao‘zak tumanidagi «Tebinbuloq» konida suv quduqlarini burg‘ulash bo‘yicha ishlar olib borilmoqda. Hozirgi kunda kompaniya gidrogeologiya yo‘nalishida quyidagi ishlarni bajarmoqda.
🔷 Kernni yoppasiga saralash bilan suv quduqlarini burg‘ulash. Umumiy burg‘ulash hajmi 5800 metr uzunlikni tashkil etadi. Burg‘ulash ishlari uch bosqichda amalga oshirilmoqda:
📌 burg‘ulashning birinchi bosqichi: kernni yoppasiga saralash bilan 1500 metr uzunlik, 500 metr chuqurlik hajmidagi qidiruv-razvedka quduqlari;
📌 burg‘ulashning ikkinchi bosqichi: kernni saralamasdan 2500 metr uzunlik, 500 metr chuqurlik hajmidagi razvedka-ekspluatasiya quduqlari;
📌 burg‘ulashning uchinchi bosqichi: kernni saralamasdan 1800 metr uzunlik, 450 metr chuqurlik hajmidagi kuzatish quduqlari.
🔹 Quduqlarning geofizik tadqiqotlarini o‘tkazish (QGT). Suvli gorizontlarni aniqlash uchun ochiq ustunda QGT usullaridan:PS, KS, GK va kavernometriyadan foydalaniladi. Ikki yoki undan ortiq gorizontlarda filtrini ishga tushirishda kolonnada suv oqimi profilini aniqlash uchun QGT usullari o‘tkaziladi.